محتار بين سيّارة جديدة أو مستعملة؟
Posted on 22/09/2015
 

محتار بين السيّارة الجديدة أو المستعملة؟

دايماً بس بدّك تشتري سيّارة بتلاقي حالك ضايع بين إنّك تشتري سيّارة جديدة أو مستعملة. طبيعي السيّارة الجديدة بتِغري أكتر، خاصّةً عند الأشخاص يلّي ما بحبّوا يشتروا "المشاكل"، بس من جهة تانية في أشخاص بيعتبروا إنّو مش منطقي يدفعوا حقّ سيّارة جديدة من الشركة.

ومع هيدا، إنت فيك تقرّر بحسب ميزانيتك وتفكيرك ونحنا رح نعطيك لايحة بالحسنات والسيئات لنساعدك تختار الأنسب إلك:

السيّارة الجديدة

حسناتها:

1.    كفالة من الشركة

2.    فيك تختار مواصفاتها

3.    ما فيها مشاكل قديمة

4.    استهلاك أقل للبنزين وعدد الأميال

5.    فايدة بنسبة أقلّ

6.    تأمين شامل بأقلّ كلفة

سيّئاتها:

1.    بتخسر من قيمتها بسرعة

2.    سعر قطع الغيار غالي

3.    رسوم ميكانيك عالية

السيّارة المستعملة

حسناتها:

1.    سعرها أرخص

2.    ما بتخسر كتير من قيمتها

3.    موديل أفضل بالسعر ذاته

4.    خيار أوسع من السيّارات

5.    سعر قطع الغيار أرخص

6.    رسوم ميكانيك مخفّضة

سيّئاتها:

1.    متانتها غير مضمونة

2.    ما بتشمل كفالة وخدمة تصليح

3.    كلفة صيانتها عالية

4.    ما بتقدر تختار مواصفاتها

وهلّأ القرار إلك. بالأوّل تأكّد إذا فيك تسدّد قيمة السيّارة خلال 4 أو 5 سنين، وإذا فيك تتحمّل كلفتها. إذاً ما عندك خبرة بالسيّارات، اطلُب المساعدة من أصحابك واستشير رأي اختصاصي معك لفحص السيّارة في حال كانت مستعملة، وبكلّ الأحوال من الأفضل تشوف على الإنترنت موديل السيّارة وتعرف رأي الناس فيها. 

احسب قرض سيّارتك هنا.

© 2016 BankOfBeirut.com. All Rights Reserved