إنت بلبنان؟ لكن بلّش جمّع للعرس
Posted on 03/06/2016
 

ألف ألف مبروك!  وأخيراً لقيت نصّك التاني لتعيشوا سوا بسعادة وتكفّوا العمر مع بعض. بس إذا بتحسّ أجمل يوم بحياتك رح يكون همّ بهمّ بسبب تحضيرات وتكاليف العرس، خلّينا نساعدك تبلّش حياة زوجيّة هنيّة وبلا ديون.

1.    بلّش مع الميزانيّة

خصّص ميزانيّة والتزم فيها. حدّد شو عندك مصاريف واختار أفضل الأسعار وقرّر شو العرس يلّي بتحلم فيه وبتقدر تتحمّل تكاليفه من:

•   عدد المدعوّين

•   مكان الحفلة والاستقبال

•   فستان العروس والشعر والمكياج

•   الأكل والمشروب

•   غاتو العرس

•   الموسيقى

•   السيّارات

•   التصوير

•   الزهور 

حدّد مبلغ لكلّ نقطة ذكرناها لتعرف مجموع مصاريفك واترك على جنب كلّ شي عبالك تزيده إذا بقي معك مصاري زيادة بالميزانيّة.

1.    شو المبلغ يلّي لازم تجمّعه؟

من بعد ما تكون حدّدت ميزانيّة لعرسك، لازم تعرف شو المبلغ يلّي لازم تجمّعه والوقت اللازم لتجمّع المبلغ.

2.    بلّش جمّع على بكّير!

كلما بلّشت تجمّع على بكّير كلما كان أسهل تتحكّم بمصاريفك. افتح حساب توفير لتحصل على معدّل فايدة عالية.

بالنهاية، إذا بدّك نهار عرسك يكون أحلا يوم بحياتك ويصير ذكرى ما بتنّسى، ما تحمّل زواجك أعباء إنت بغنى عنها.  

© 2016 BankOfBeirut.com. All Rights Reserved