"ما تخلّي هدايا العيد تكون "كسرا
Posted on 07/12/2016
 


عيد الميلاد صار على الابواب والكلّ بينطر العيد، كلّ واحد على طريقته. الولاد بينطروا هديّتن من بابا نويل، والأهل بينطروا الجَمْعة مع العيلة والأصحاب، والمغتربين بينطروا موعد الرحلة على لبنان ليعيدوا مع أهاليهن. أجواء العيد أكيد حلوة والهدايا إذا لعبتا ذكيّة .. منّا "كسرا

أنا بوب و رح خبرك كيف.

أولا" الميزانيّة: كتار بخافوا من الكلمة لأنّ بيعتبروا الميزانيّة نوع من البخل بس هيّ بالواقع بتساعدك تقسّم مصروفك بين شو بطلّع، شو عليك وشو عبالك. لهيك حدّد ميزانيّة قبل العيد وشوف شو معك مجال تصرف.
 لايحة بالهدايا: حضّر لايحة بالأشخاص يلّي رح تقدّملن هدايا ومن بعدها حدّد ميزانيّة منطقيّة لكلّ هديّة. هالشي مش بس بوفّر عليك مصاري كمان بسهّل عليك اختيار الهديّة.
التسوّق بكّير: ما تترك حالك للآخر لأنّ بالعيد بتعجق بالمولات و بتتحمّس لدرجة بتخلّيك يا تشتري كتير يا تشتري بس لتخلص من العجقة وتفلّ.
و هلّق صار عندك فكرة كيف تعيّد و تجيب هدايا بلا ما تنكسر.

 

© 2016 BankOfBeirut.com. All Rights Reserved