عين نادي بنك بيروت على النهائي
Posted on 08/03/2017
 

 

نجاح ورا نجاح، عم يبرهن نادي بنك بيروت الرياضي تميّز لاعبينو وعم تبرهنو إنتو أهمّيّة تشجيعكن. ومن آخر الإنجازات اللي حقّقها الفريق هو انتصار ساحق على نادي الشويفات، بالمباراة النصف النهائية مبارح  بنتيجة 1-5.

بفضل هيدا الإنتصار، تأهّل نادي بنك بيروت لنهائي دوري لبنان لكرة الصالات 2017 – 2016.

هيدا مش أوّل نجاح بيعكس مواهب لاعبينّا، فهنّي سبق وبيّنوا قوّتن أكتر من مرّة هالموسم. حقّق نادي بنك بيروت أكبر عدد أهداف هالدوري، بالإضافة لأعلى نقاط وassists. ولأنّو نادي بنك بيروت مش بس قوي بالهجوم بل بالدفاع كمان، تسجّل ضدّو أقلّ عدد أهداف.

مع كلّ هالإنجازات، ما كان غريب أبدًا إنّو نتأهّل للنهائي بلا ولا خسارة؛ ونتقدّم خطوة، لنصير أقرب من الكأس. اليوم، نحنا متّكلين عتشجيعكن لنكون فريق واحد، ونحقّق حلم واحد.

فريقنا عم يتحضّر من اليوم لينقل هالحلم لأبعد من لبنان. فإذا ربح الدوري اللبناني، رح يمثّل بلدنا بآسيا ويحقّق نتايج تفتخرو فيها، متل ما نحنا منفتخر بدعمكن.

© 2016 BankOfBeirut.com. All Rights Reserved