الدكتور صفير بوثّق تاريخ شعب بمكتبة الكلّيّة المارونيّة
Posted on 08/02/2017
 

تاريخنا منّو مجرّد سنين وحوادث. "تاريخنا إختصار لتراثنا، تعبنا وإرادتنا. تاريخنا إنعكاس لإصرار جدودنا على المحافظة على حضارتن ورسالة إيمانن، رغم كل الصعوبات اللي تعرّضولها"، متل ما وصفو مدير عام بنك بيروت، الدكتور صفير.

بس ما بكفّي يحصل الإنسان على كنز غالي... لازم، برأي الدكتور صفير، نعرف نحافظ على هالكنز وننقلو لولادنا، كـ"دليل على عظمة وغنى الماضي".

وإصرارًا منّو على التواصل مع التاريخ ونقل الحقيقة للأجيال المقبلة، رمّم الدكتور صفير مكتبة الكليّة المارونيّة برعاية البطريرك الراعي وبحضور زوجة الدكتور صفير، مدام ماري كلود.

بيعتبر الدكتور صفير إنّو "هالكتب بتختصر بكلماتها هويّة أجيال وبتغني بحروفها ثقافتن". وأكّد إنها "بتحفظ تاريخ شعب، شقّ درب المعرفة واعتمد الرسالة وسيلة حياة". وبيتشرّف الدكتور صفير إنّو شارك بدعم هالمكتبة اللي "بتحملو عبء كبير من خلال رفع إسمو عليها".

© 2016 BankOfBeirut.com. All Rights Reserved