الدكتور صفير بيستلم درع مار مارون التكريمي بروما
Posted on 08/02/2017
 

بوقت نحنا بأمسّ الحاجة للقيم الإنسانيّة، أكّد مدير عامّ بنك بيروت، الدكتور سليم صفير، إنّو هالقيم بعدها بتحمّلو مسؤوليّة كبيرة... مسؤوليّة "إنّو نقدّرها ونحافظ عليها تنكون مثال أعلى لولادنا متل ما جدودنا كانوا قدوة إلنا".

تكريمًا لجهوده وتعلّقو بهالقيم، استلم الدكتور صفير درع مار مارون بروما... درع إلو معاني وأهمّيّة كبيرة بالنسبة إلو. فهالدرع بشجّعو ليكفّي بهالرسالة، وهوي كمان "حافز بزيدو إصرار" لينجح بالطريق اللي اختارو واقتنع في من زمان "وبيزيدو قناعة وفخر ليدعم وطنو لبنان".   

ما في شكّ إنّو درب اللبنانيّين بيدعي للفخر، فهنّي "ما تزعزع إيمانن ولا لحظة رغم كل الإضطهادات يللي تعرضولا. ورغم إنّو اللي أنجزناه مش قليل، ما فينا نكتفي فيه". ولهالسبب، طلب بالختام من اللبنانيّين إنّو "يكونوا قدوة بالحرية، بالتسامح وبالعطاء" ليعطوا صورة مشرقة عن وطنن ويكفّوا درب جدودن. 

© 2016 BankOfBeirut.com. All Rights Reserved