دعم بنك بيروت بوصّل فريق "ميغاترون" للعالميّة
Posted on 25/05/2017
 

بفضل دعم بنك بيروت، قدر فريق Megatron من مدرسة New Century School إنّو يربح مسابقة NDU VEX Robotics بلبنان ويتأهّل للمشاركة بمسابقة VEX World robotics competition ، بلويس فيل – أميركا.

ولأنّو تلاميذنا عندن كلّ القدرات اللازمة ليحقّقوا أفضل النتائج، آمن بنك بيروت بقدرات فريق Megatron وحبّ إنّو يرافقو، من خلال تقديم الدعم المطلوب، عأميركا ليكفّي مشوار النجاح!

فريق Megatron كان بدورو على قدّ المسؤوليّة وتميّز على الساحة العالميّة، من خلال ربحو لجائزة "Energy Award". وبتكافئ هالجائزة الفريق على حماسو وشغفو يلّي انعكسوا إيجابًا على شغلو وعلى باقي الفرق كمان.

بنك بيروت بيفتخر بهيك مواهب ورح يضلّ يقدّم كل الدعم اللازم ليوصّل نجاحهم لأعلى المراتب.

© 2016 BankOfBeirut.com. All Rights Reserved