لقاء موظّفي بنك بيروت السنوي
Posted on 30/05/2017
 

"من العاصمة إسمو انكتب، من العالم ثقتو اكتسب..." هيدا هو بنك بيروت اللي كلّنا منفتخر فيه وهيدي هي كلمات النشيد اللي كلّنا تعرّفنا عليه لأوّل مرّة بلقاء الموظّفين السنوي.

من بيروت، الجنوب والشمال، توجّه موظّفو بنك بيروت على شننعير ليحوّلوا ليلة 24 أيّار لليلة من العمر! من المكاتب والفروع لـChateau Rweiss، بقيت صداقتن ومحبّتن لبنك بيروت متل ما هيّ... لا بل زادت بعد الأوقات الحلوة اللي جمعتن.

عبّرنا عن فخرنا بلبنان وببنك، بيحمل إسم عاصمته وبيعكس قيم تاريخه، من خلال افتتاحنا للسهرة بالنشيد اللبناني وبنشيد بنك بيروت، اللي حضّره، صوّره وقدّمه ولاد هالعيلة.

من بعد ما رحّب مدير عام بنك بيروت، الدكتور سليم صفير، بالموجودين، عبّر عن فخره بجهودن ليكفّوا المسيرة، وبمحاولاتن ليحقّقوا النجاح اللي كلّ عمره بيحلم فيه. من بعدها، تكرّم بيار زهر لمشوار 50 سنة ببنك بيروت، بالإضافة لأبطال البنك، فريق الفوتسال.

أمّا مفاجأة السهرة فكانت تقديم الرابحين بـBoB Got Talent لعرض موسيقي، قدروا من خلالو إنّو ينشروا أجواء فنّيّة مميّزة. وأكيد، تخلّل السهرة Buffet شهي، جوائز Tombola وبلا ما ننسى الـSelfie Booth لتنتقل صور هالجمعة الحلوة من البال للحقيقة.

ما في شكّ إنّو الـDJ سمّع الموجودين أحلى الأغاني. بس الأجواء ما اكتملت إلّا مع وصول المغنّي الغجري بلال على المسرح... وختامها مسك، مع الأخوين شحادة!

بشهادة كلّ الموجودين، كانت سهرة ما بتنتسى... وبالختام، ما فينا نقول إلّا عقبال كلّ سنة! 

© 2016 BankOfBeirut.com. All Rights Reserved