بنك بيروت ضوّى شجرات العيد
Posted on 21/12/2017
 
شجرة مزيّنة، عائلة مجموعة وبيت دافي... أوّل ما يقرّبوا الأعياد، بترجعلنا كلّ هالذكريات، ومنبلّش نزيّن البيت ونحضّر القعدة! وشو في رمز أحلى من شجرة مزيّنة لنعكس معاني العيد؟! شجرة واحدة بتقدر تجمع كلّ سكّان المنطقة وتفرّح قلب كلّ مين بشوفها.
بنك بيروت بآمن بأهمّيّة أجواء العيد وبيتمنّى يقدر يوصّل هالفرحة لكلّ شخص بكلّ مناطق لبنان. والهدف الأهمّ هو إنّو نذكّرن بمعنى العيد، بقدسيّة العائلة وبأهمّيّة مساعدة الغير. متل كلّ سنة، كان بدنا ولاد كلّ المناطق يشوفوا شجرة حلوة ويتحمّسوا يتصوّروا حدّها!
كلّ واحد منّا بزيّن بيتو بشجرة العيد... بس لأنّو بنك بيروت بيعتبر إنّو لبنان كلّو بمثابة بيتو وفروعو موزّعة بكلّ المناطق، حبّينا نزيّن بيتنا كلّو. هالسنة كمان، وبالتعاون مع البلديّات، ضوّينا عدّة شجرات بمناطق مختلفة  تنرسم ضحكة على وجّ كلّ مين بشوفها  ونضوّي حزنو بفرح العيد.
من المناطق اللي منساهم بنشر روح العيد فيها، بكركي دايمًا محطّة أساسيّة.
ومتل ما عوّدنا كلّ سنة، كان لمدير عام بنك بيروت الدكتور صفير تعليق على هالمناسبة، تمنّى خلالو إنّو أجواء العيد الحلوة ترافق الكلّ.
من عائلة بنك بيروت، ووين ما كنتو، منتمنّى إنّو أجواء العيد تزيّن قلبكن متل ما شجراتنا زيّنت لبنان! 
© 2016 BankOfBeirut.com. All Rights Reserved